uvodni
cz sorbs en de

"Lidová muzika z Chrástu"

Lidová muzika z Chrástu je folklorna kapała, z wjetšeho dźěla wot šulerjow a absolwentow statneje hudźbneje šule w Chrástu pola Plzenja w zapadnej Čěskej tworjena. Skupina běše w lěće 1996 załožena, wot lěta 2005 wjedźe ju Vojtěch Kouba.

Lidová muzika z Chrástu prócuje so wo spřistupnjenje tradicionalneje kultury dźensnišemu přihladowarstwu. Kapała nima zaměr, technisce perfektnje „ludowe wuměłstwo“ interpretować, ale chce awtentisku ludowosć kóždeho čłona a cyłeje skupiny wuprudźeć. Kapała piska typiske instrumenty, inkluziwnje čěskich dudow, ale tam a sem tež moderne instrumenty a njetypiske bijadła. Wustupuje w stilizowanej drasće, kotraž je tym Plzeňskeho kraja na kóncu 19. lětstotka podobna. Zakład repertoira tworja ludowe spěwy z južnych a zapadnych Čech w tradicionalnym kaž tež modernym wobdźěłanju.

Lidová muzika z Chrástu je dźensa jenička folklorna skupina w Čěskej, kotraž prawidłownje serbske ludowe spěwy piska a wo Łužicy a Łužiskich Serbach rozprawja. Wona wobdźěli so na festiwaloch Łužica 2011, 2013 a 2015 kaž tež na Mjezynarodnym dudakowym festiwalu w Slepom 2012, 2014 a 2016.

Našu hudźbu móžeće słuchać pod Ukázky

Móžeće nam mailku napisać E-mail ( chrlis[at]seznam.cz )